Алматылық полицейлердің жалақысы көбейді
Алматы қаласы Полиция департаментінің басшысы Қанат Таймерденов ішкі істер органдарын модернизациялау полицейлердің еңбекақысына қалай әсер еткенін айтып берді, деп хабарлайды Basnews.kz.
Жол картасы аясында және ІІД жүйесін модернизациялау барысында полицейлердің жалақысы 65 пайызға өсті.
Сержант құрамындағы қызметкерлер: 93 мың мен 140 мың аралығында, офицерлер құрамының полиция қызметкерлері – 124 мың мен 174 мың аралығында жалақы алады. Сонымен қатар, Алматы ПД қызметтері мен бөлімшелерінің 718 қызметкері ай сайын тұрғын үйді жалдағаны үшін өтемақы алады.
«Ішкі істер органдарын модернизациялағанға дейін олардың саны 414 болған. Аталған өтемақыны жедел бөлімшелер, тергеу, анықтау, жедел әрекет ету қызметі отрядының (СОБР) қызметкерлері, учаскелік полиция инспекторлары, ювеналды полиция қызметкерлері, сондай-ақ патрульдік полиция қызметкерлері алады», – деп атап өтті Қанат Таймерденов.