Облыстың ауылдық елді мекендерінде талшықты-оптикалық байланыс желісі тартылмақ

Аймақтағы цифрландыруды дамыту мақсатында облыстың 14 ауылдық елді мекенінде тұрғын үйлерге дейін талшықты-оптикалық байланыс желісін (ТОБЖ) тарту көзделіп отыр. Жоба шамамен 16 мың адамды қамтиды.

Атап айтқанда:

• Жаңаарқа ауданы бойынша – 9 елді мекен,

• Ұлытау ауданы бойынша – 5 елді мекен қамтылады.

Бұл бастама ауыл тұрғындарын сапалы интернетпен қамтамасыз етіп, мемлекеттік қызметтерді онлайн алуға, қашықтан білім алуға және бизнесті цифрлық форматта дамытуға мүмкіндік береді.

Цифрлық инфрақұрылымды жетілдіру – өңірдің әлеуметтік-экономикалық дамуына, халықтың өмір сапасын арттыруға бағытталған маңызды қадамдардың бірі болып табылады.