ҚЫЗЫЛЖАР КЕНТІНДЕ ЖАҢА КӨПІР САЛЫНУДА

Ұлытау облысының Жаңаарқа ауданына қарасты Қызылжар кентіне кіреберісте тұрғындар тілегіне сәйкес көпір құрылысы жүргізіліп жатыр.

Қазіргі таңда бетон құю жұмыстары, орнын қазу жұмыстары қарқынды. Аумақта арнайы асфальт-бетон зауыты орналасқан. Жоба 2025-2026 жылдары жүзеге асырылады. Көпірдің пайдалануға берілетін уақыты – 2026 жылдың аяғы деп жоспарлануда.

Аталған жұмыстарға 30-ға жуық азамат пен 15 арнайы техника жұмылдырылған.

Көпір ұзындығы — 151 метр.

Айта кетейік, Қызылжар кентіне көктем-күз мезгілдерінде Сарысу өзенінен келетін судың салдарынан жолды шайып кету жағдайы орын алатын. Жоба – қолайсыздықтың алдын алып, мәселені шешуге бағытталған.