Тоқаев Дархан Кәлетаевке бірқатар тапсырма берді

Мемлекет басшысы Қазақстанның Украинадағы жаңадан тағайындалған елшісі Дархан Кәлетаевті қабылдады, деп хабарлайды Ақорданың баспасөз қызметі.

Кездесу барысында екі ел арасындағы стратегиялық байланыстарды одан әрі дамыту, сауда-экономикалық қатынастарды жандандыру, IT технология саласындағы ықпалдастықты арттыру мәселелері сөз болды.

Кездесу соңында Қасым-Жомарт Тоқаев Дархан Кәлетаевке бірқатар нақты тапсырма берді.