BasNewsЖаңалықтар
21 жастағы Асыл Алдаберген Түркістан облысы әкімінің кеңесші болып тағайындады
Түркістан облысы әкімінің өкімімен облыс әкімінің сыбайлас жемқорлыққа қарсы мәселелер бойынша штаттан тыс кеңесшісі қызметіне Алдаберген Асыл Берікұлы тағайындалды, деп хабарлайды Basnews.kz ақпарат порталы.
Облыс әкімі баспасөз қызметінің мәліметінше, Асыл Алдаберген Мемлекеттік қызмет істері және сыбайлас жемқорлыққа қарсы іс-қимыл агенттігінің «Turkistan Adaldyq alany» жобалық кеңсесінің менеджері және басшысы болған.
2019 жылдың тамыз айынан бастап 3-сыныпты мемлекеттік әділет кеңесшісі, Қазақстан Республикасының Сыбайлас жемқорлыққа қарсы іс-қимыл агенттігінің Түркістан облысы бойынша Департаменті басшысының көмекшісі қызметін атқарған, делінген хабарламада.
Баспасөз қызметінің хабарлауынша, Асыл Алдаберген 1998 жылы Түркістан қаласында туған.
