Шымкент Қазақстан халқы Ассамблеясы
Гаагадағы Бейбітшілік сарайының ғимаратында бейбітшілікке қол жеткізу стратегиясы жазылған, онда былай делінген: «егер сіз бейбітшілікті қаласаңыз-әділеттілікке ұмтылыңыз». Кез келген, тіпті ең кіші ұлттық топтың мүдделеріне, оның салт-дәстүрлеріне назар аударуға бағытталған нақ осындай стратегияны Қазақстан халқы Ассамблеясы және оның қалалар мен облыстардағы құрылымдық бөлімшелері жүзеге асырады.
Шымкент қаласының Қазақстан халқы Ассамблеясы мемлекеттік құрылымдардың сәндік органы болып табылмайды; ол тек нақты компонент қана емес, сонымен қатар ішкі саясатты әзірлеу мен жүзеге асырудағы мемлекеттік биліктің серіктесі болып табылады. Ол аймақтағы этностардың жалпыадамзаттық нормалар мен құндылықтар айналасында қоғамдық сананы қалыптастыруға, рухани, мәдени шоғырландыруға қатысатын нақты институтқа айналды.
Ассамблея құрамына ресми заңды тіркеуден өткен 17 ұлттық-мәдени бірлестік кіреді.
Мегаполисте конференциялар, «дөңгелек үстелде» кездесулер, семинарлар өткізу арқылы мемлекеттік құрылымдар мен ұлттық-мәдени орталықтар мен басқа да қоғамдық бірлестіктер өкілдерінің тұрақты кездесулер жүйесі қалыптасқан. Орталықтардың өкілдері қала әкімінің жанында жұмыс істейтін консультативтік-кеңесші органдардың (комиссиялардың, жұмыс топтарының) құрамына енгізілген; әкімдік отырыстарының жұмысына тұрақты қатысады.
Басқаша айтқанда, мемлекеттік билік органдары мен түрлі қоғамдық бірлестіктер мен конфессиялар өкілдерінің тұрақты диалогы жүріп жатыр. Олардан туындайтын сындарлы ұсыныстар өңірлік деңгейде қабылданатын көптеген саяси шешімдердің негізі болып табылады.
Шымкенттегі барлық диаспоралар заңды ұйымдастырылуына қарамастан, тарихи жадыны сақтауға, ұлтаралық достықты нығайтуға және қазақстандық менталитетті қалыптастыруға өз үлестерін қосуда.