Алдағы президент сайлауына шамамен 20 миллиард теңге жұмсалады

Қаржы вице-министрі Татьяна Савельева алда өтетін президент сайлауына шамамен 20 миллиард теңге жұмсалатынын мәлімдеді, – деп хабарлайды Basnews.kz тілшісі.

Вице-министрдің сөзінше, Орталық сайлау комиссиясы шығындарды әлі есептеп жатыр.

«Қаржы үкімет қорынан бөлінеді. Шамамен 20 миллиард теңге. Парламент сайлауына 25 миллиард теңгеге жуық қаржы жұмсалады. Осылайша парламент пен президент сайлауына 45 миллиард теңге қажет», – деді Савельева.

Айта кетейік, 1 қыркүйекте мемлекет басшысы Қасым-Жомарт Тоқаев күзде президент сайлауын өткізуді ұсынған. Сондай-ақ ол президент мандатын ұзақтығы 7 жылдық бір мерзіммен шектеу керегін айтты.