Қарашығанақта мұнай өндіру уақытша тоқтатылады – министрлік

Қарашығанақ кенішінде мұнай өндіру жоспарлы күрделі жөндеу жұмыстарына байланысты тоқтатылады. Ақпаратты Энергетика министрлігінің баспасөз қызметі растады, – деп хабарлайды Basnews.kz тілшісі.

Баспасөз қызметі мәліметінше, жөндеу жұмыстары 12 қыркүйек пен 6 қазан аралығында жалғасады.

Батыс Қазақстан облысында орналасқан Қарашығанақ кен орны ірі мұнай-газ конденсатты кен орындарының бірі саналады, кен орны 1979 жылы ашылған.