Еліміздің жарқын болашағы үшін дауыс бердім – 18 жасар кентаулық сайлаушы

Кентау қаласы Т.Рысқұлов атындағы 24 мектептегі 899 сайлау учаскесіне алғашқылардың бірі болып Абумуслимова Тахмина Рахымжанқызы барды.

Жақында 18-ге толған ару алғаш рет сайлауға қатысып, өз таңдауын жасады.

«Мен үшін бұл күн маңызды. Әрі өзімнің елдің жарқын болашағы үшін еңбек ететін азаматтарға сенім білдіріп отырғаныма қуаныштымын. Сайлауға келушілер өте белсенді қатысуда», деді.

Тахмина Рахымжанқызы Кентау қаласының тумасы. Кентау гуманитарлы-техникалық колледжінің 4 курс студенті.