Алматы тауларында жоғалған қыз ауыр жағдайда табылды

5 шілдеде Үлкен Алматы көлі ауданында жоғалып кеткен Әлия Камиева табылды, – деп хабарлайды Basnews.kz тілшісі.

Алматы қаласы ТЖ департаментінің мәліметі бойынша, жоғалған адам 8 шілдеде сағат 10.56-да табылған.

Қыздың денсаулық жағдайы ауыр деп бағаланды. Зардап шегушіні тасымалдау және ауруханаға жатқызу қажет болған.

Департамент ҚР ТЖМ «Қазавиақұтқару» тікұшағын қыз табылған жерге жіберу бойынша жұмыстарды ұйымдастырды.