42 500 теңге төлемді алудың жаңа әдісі көрсетілді

Енді Telegram мессенджерінде 42 500 теңге төлем алуға өтініш беруге болады, – деп хабарлайды Basnews.kz.

Telegram-дағы ботқа кіру үшін мына сілтеме бойынша (https://t.me/Help42500Bot) өтіп, Start (Бастау) батырмасын басу қажет. Бот бірнеше минут ішінде жауап береді.

Бот арқылы өтінім беру рәсімі бірнеше қадамнан тұрады:

Өзін-өзі жұмыспен қамтушы азамат үшін:

1. «Өзін-өзі жұмыспен қамтушы» батырмасын басу;

2. Өз ЖСН-ыңызды енгізу;

3. Электронды поштаңыздың мекенжайын енгізу;

4. Телефоныңыздың нөмірін енгізу;

5. Банктік шотыңыздың нөмірін енгізу (IBAN);

6. Өз өтінішіңізді растау;

7. Бұдан кейін сізге келесі мазмұнда хабарламалар келеді:

a. сіздің өтініміңіздің қабылданғандығы туралы;

b. сіздің өтініміңіздің тіркеу нөмірі;

c. сіздің өтініміңізді өңделгені туралы жауап.

Қызметкер үшін:

1. «Қызметкер» батырмасын басу;

2. Өз ЖСН-ыңызды енгізу;

3. Сіз жұмыс істейтін ұйымның БСН-ын енгізу;

4. Электронды поштаңыздың мекенжайын енгізу;

5. Телефоныңыздың нөмірін енгізу;

6. Банктік шотыңыздың нөмірін енгізу (IBAN);

7. Өз өтінішіңізді растау;

8. Бұдан кейін сізге келесі мазмұнда хабарламалар келеді:

a. сіздің өтініміңіздің қабылданғаны туралы;

b. сіздің өтініміңіздің тіркеу нөмірі;

c. сіздің өтініміңізді өңделгені туралы жауап.