Ахметжанов «Пригородный» шағын ауданы тұрғындарымен кездесті
Марат Ахметжанов өңірдің өнеркәсіп орталығына жұмыс сапары аясында «Пригородный» шағын ауданының аула аумағын абаттандырумен танысты және тұрғындармен кездесті, деп хабарлайды basnews.kz.
Қала әкімі Алпысбай Қайыржановтың айтуынша, шағын аудан тұрғындары ауладағы балалар алаңын жөндеуді сұраған. Енді мұнда тек балалар алаңы ғана емес, сонымен қатар спорт алаңдары, футбол алаңы, асфальт төселген.
Қала тұрғындары атқарылған жұмыстары үшін алғыстарын білдіріп, облыс басшысына оларды толғандыратын сұрақтар қойды, оның ішінде – шағын аудандағы жолдарды жөндеу және Азат ауылына шығу, электрмен жабдықтау, маршруттық автобустардың қозғалысы, автобус аялдамаларын орнату, стадионды жөндеу және басқалар.
Марат Ахметжанов әрқайсысын тыңдап, оның өңірге сапарының мақсаттарының бірі – проблемаларды анықтау екенін атап өтті.