BasNewsЖаңалықтар
Оралда белгілі кәсіпкерді дәмханада өлтіріп кетті
Оралдық полицейлер белгілі кәсіпкер Сергей Губерді өлтіру фактісін тергеп жатыр. Ер адам жексенбі күні таңертең жарақат алып, ауруханаға жеткізілді. Ол медициналық мекемеде қайтыс болды, деп хабарлайды basnews.kz.
Расталмаған мәліметтер бойынша, Губер қаладағы дәмханалардың бірінде ауыр жарақаттар алған.
Полиция Қазақстан Республикасы Қылмыстық кодексінің 106-бабының 3-бөлігі «Денсаулыққа қасақана ауыр зиян келтіру» бойынша сотқа дейінгі тергеуді бастады.
«Жедел-іздестіру іс-шаралары барысында полиция департаменті криминалдық полиция бөлімі мен Оралдың Абай аудандық полиция басқармасының қызметкерлері күдікті – бұрын сотталмаған 1981 жылғы тұрғынды анықтады. Күдікті уақытша ұстау изоляторына қамалды», – деп хабарлады баспасөз қызметі Батыс Қазақстан облысының полиция департаменті.